Comhar na Scríbhneoirí Óga agus Fásta!

Agus oícheanta fada Geimhridh romhainn tá tuilleadh ama ag daoine peann a chur ar phár agus snas a chur ar a gcuid scileanna scríbhneoireachta.

Tá ranganna scríbhneoireachta agus ceardlanna ar siúl fud fad na tíre agus anois tá dhá irisleabhar ag glacadh ailt Ghaeilge ó scoth na scríbhneoirí atá idir óg agus aosta. 

Is é YEWF (Young Emerging Writers and Artists forum ) is teideal d'Irisleabhar Ealaíon náisiúnta nua atá á fhorbairt, a bheidh dírithe ar dhaoine óga 13-18 mbliana d'aois. Tabharfar an deis do dhaoine óga a gcuid ealaíon, scéalta agus dánta a thaispeáint agus a fhoilsiú i mBéarla agus i nGaeilge. 

Tá an t-irisleabhar YEWF á fhorbairt i gcomhpháirt le MFG Comhar Dhuibhne agus An Chomhairle Ealaíon. Ag seasamh leis an gcomhpháirtíocht seo beidh tiomantas láidir ann don Ghaeilge. Cuirfear fáilte roimh iarratais i nGaeilge agus tá se mar aidhm ag YEWF go mbeadh 50% den ábhar ar fáil i nGaeilge. Cuirfear an chéad eagrán den irisleabhar ar fáil i ngach leabharlann phoiblí agus i 42 caife óige fud fad na tíre.

Ina theannta sin, rinneadh athsheoladh ar an irisleabhar seanbhunaithe Gaeilge, Comhar, ag ócáid i Halla na Saoirse, Baile Átha Cliath  an mhí seo caite, áit ar sheol an Dr. Louis de Paor, Ollscoil na hÉireann, Gaillimh, eagrán Dheireadh Fómhair 2008 den irisleabhar, réitithe ag an eagarthóir nua, Aindrias Ó Cathasaigh, a labhair freisin ag an ócáid. 

Ag labhairt dó ag an athsheoladh dúirt Uaitéar Ó Ciaruáin, Cathaoirleach Bhord Stiúrthóirí Comhar go bhfuil cáil ar an irisleabhar anois mar irisleabhar tábhachtach i saol na Gaeilge.

Is ar athnuachan an chúnaimh airgid ó Fhoras na Gaeilge a athsheoladh Comhar. Cheadaigh Foras na Gaeilge méadú suntasach sa mhaoiniú míosúil agus aontaíodh ciste bun-infheistíochta le hionchur airgeadais, euro ar euro, ó Chomhar agus ón bhForas, é seo go léir tar éis don Fhoras aighneacht chuimsitheach ó Bhord Nua Comhar a bhreithniú, aighneacht a léirigh beartais sheiftiúla a chinnteoidh todhchaí fhada rathúil don irisleabhar.

Gan amhras bainfidh scríbhneoirí agus léitheoirí sult  agus tairbhe as an dá irisleabhar náisiúnta sin.

Má tá tuilleadh eolais uait  maidir le YEWF déan teagmháil le Kristi Collins yewf@hotmail.co.uk  nó 085 7818160.

Mas maith leat teagmháil a dhéanamh le Foireann Chomhar is féidir é a dhéanamh tríd an seoladh ríomphoist comhar@eircom.net nó ag an dá uimhir ghutháin thíos  01-6398400 agus 087-9267456

Barr

Oireachtas na Samhna: An mbeidh tusa i Láthair?

Beidh Oireachtas na Samhna ar siúl cois laoi in Ostán na Páirce, Baile an Róistigh idir Déardaoin 29 Deireadh Fómhair agus 1 Samhain 2008.
Beidh na healaíona traidisiúnta á dtaispeáint gach lá agus beidh comórtas scéalaíochta, agallamh beirte, agus seoladh leabhair ar an Déardaoin.  Ar an Aoine, Oíche Shamhna,  beidh Comórtais Ardáin do Dhoaine óga, cruinniú poiblí mar gheall ar an Straitéis 20 bliain don Ghaeilge agus club na féile ar siúl. Gan amhras beidh cúpla seit ann agus beidh tú in ann do scileanna rince a athbheochan!

Leanfaidh an scléip agus an spraoi ar an Satharn nuair a bheidh comórtas árdáin ann do dhaoine fásta, maille le seimeanár Chonradh na Gaeilge agus an dá mhórchomortas: Comórtas Rince ar an Sean-Nós agus Corn Uí Riada, an príomhchomórtas amhránaíochta ar an sean-nós.

Beidh Coinneamh Luchd Labhairt na Gàidhlig ar na himeachtaí cultúrtha agus ar na comórtais arna léiriú ag Oireachtas na Gaeilge i mbliana i gCorcaigh. Tionólfar Coinneamh Luchd Labhairt na Gàidhlig ag Rochestown Park Hotel ag 4.30 i.n., Dé hAoine, 31 Deireadh Fómhair. Cuirfidh an cruinniú Gáidhlig seo béim ar an gceangal idir muintir na Gaeilge sa dá thír, agus pléifear amhráin na Seacaibíteach, amhráin a mhol an ríora Stiubhartach agus a n-iarrachtaí ar theacht i gcoróin arís sa Bhreatain, agus a mhol go háirithe na laochra a d'imir a n-anam ag troid go cróga ar son na Stiubhartach.

Beidh fear as Inse Gall, Ailean Dómhnallach, ag labhairt faoi roinnt sean-amhrán i nGaeilge na hAlban a bhaineann leis an ngluaiseacht Sheacaibíteach in Albain. Ar an gcaoi chéanna, beidh an Muimhneach Éamonn Ó hÓgáin ag cur síos ar an bhfile Éireannach Seán Clárach Mac Domhnaill. Tá a chuid filíochta faoi bhriseadh 'Bonnie Prince Charlie' agus faoina éalú as blár Chúl Odair sa bhliain 1746 á rá fós. Rugadh agus tógadh Seán i gCorcaigh, agus breathnaíonn formhór na gcainteoirí Gaeilge ar a dhán Mo Ghile Mear mar 'iomann náisiúnta Dhaonphoblacht Chorcaí'. Labhróidh an tAlbanach ina theanga dhúchais, Gáidhlig, agus ina dhiaidh sin, déanfaidh an Dr. Máire Ní Annracháin as Ollscoil Náisiúnta na hÉireann, Má Nuad, achoimre ar a léacht.

Tá tuilleadh eolais faoin Oireachtas ar fáil ar an suíomh gréasáin www.antoireachtas.ie agus más mian leat tuilleadh eolais a fháil mar gheall ar Choinneamh Luchd Labhairt na Gaidhlig déan teagmháil le Risteárd Dónal Mac Aodha ag 353 2729290 nó seol ríomhphost chuig damhsoir@eircom.net

Beidh foireann Ghaelport i láthair le seastán san óstán an deireadh seachtaine ar fad agus tá súil againn bualadh leis na craoltóirí atá i láthair ag an ócáid iontach seo!

Barr

Craos, Dráma nua le Darach Ó Scolaí

Cuirfear tús le camchuairt Craos, dráma nua le Darach ó Scolaí san New Theatre, Barra an Teampaill, Baile Átha Cliath ón 21 – 25 Deireadh Fómhair 2008. Beidh sé le feiceáil san Eaglais Úinitéireach, Sráid an Phrionsa, Corcaigh ón 29 Deireadh Fómhair – 1 Samhain 2008, mar pháirt d'Fhéile Oireachtas na Gaeilge 2008. Ansin beidh sé dul ar aghaidh go dtí an Chultúrlann i mBéal Feirste ón 6 – 8 Samhain. Bheidh Craos á léiriú ag Salamandar, compántas drámaíochta Breacán teoranta agus is é Darach Ó Scolaí a bheidh á stiúradh.

Craos an tríú dráma de chuid Uí Scolaí, An Braon Aníos ('Salamandar de chic do dhrámaíocht na Gaeilge'- Foinse), agus Coinneáil Orainn (Duaiseanna Stewart Parker agus Bháitear Uí Mhaicín.). Beidh go leor ag tnúth go mór an dráma seo a fheiceáil go háirithe toisc go bhfuair ó Scolaí ainmniúcháin ar ghearrliosta leabhar na bliana 2008, Gradam Uí Shúilleabháin, i gcomhair An Cléireach.

Tá bealach cliste ag Ó Scolaí plé a dhéanamh ar fhocail  agus téamaí ina chuid drámaí agus cinnte tá sé sin le feiceáil ina dhráma nua, Craos.

I mbialann bheag Ghaeltachta tá beirt bhan in aontíos, Caitlín agus bean an tí, Aintín Nóra. Fad is atá a fear Seán amuigh sa tóir ar an obair a thabharfaidh na pinginí móra abhaile di féin agus dá clann, tá Caitlín sásta géilleadh do mhianta buile Nóra.


I measc scoth na n-aisteoirí atá páirteach sa léiriú seo, tá Caitlín Ní Chonghaile (Faoi Dheireadh Thiar), Caitríona Ní Chonaola (Scéalta ó Theach na mBocht), Peadar Ó Threasaigh (Coinneal Orainn) agus Pádraic Ó Tuairisc (An Braon Aníos). Is é Dara McGee a dhear an seit, Beartla Ó Flatharta a dhear an soilsiú, Orlagh de Bhaldraithe a dhear an fhuaim agus Tríona Lillis a dhear na cultacha.

Tuilleadh eolais faoin ndráma eirimiúil seo ar fáil ó 091 505719 or 087 9102582 agus ó  breacan@eircom.net.

Barr

Logainm.ie: Leagan oifigiúil gach logainm ar fáil i mBéarla agus i nGaeilge

Ar deireadh thiar thall tá freagra ar fáil ar an gceist leanúnach sin a bhíonn ag cur as do dhaoine - cén t-ainm Gaeilge atá ar an sráidbhaile sin nó ar an gceantar áirithe úd! Tá láithreán gréasáin nua ar an bhfód a chuireann an t-ainm oifigiúil Gaeilge atá ar 100,000 éigin baile, sráid agus oifig phoist ar fud na tíre ar fáil don phobal.

Is féidir le mic léinn, múinteoirí, iriseoirí, aistritheoirí agus aon duine eile a bhfuil leagan údarásach uaidh/uaithi de logainm, teacht ar an eolas go héasca anois trí chuardach a dhéanamh ar www.logainm.ie. Beidh an suíomh ina ábhar spéise, chomh maith, dóibh siúd ar fud an domhain a chuireann suim in oidhreacht, i gcultúr agus i dtíreolaíocht na hÉireann.
Is féidir le cuairteoirí ar an suíomh éisteacht le comhaid fuaime logainmneacha áirithe i gContaetha Phort Láirge, na Gaillimhe agus Dhún na nGall. Tá íomhánna scanta de thaifid chartlainne an Bhrainse Logainmneacha ag gabháil le go leor logainmneacha ar an suíomh  freisin, mar aon le háis aistriúcháin chun liostaí logainmneacha a thiontú ó theanga go chéile.
 
Leanfar den obair ar logainm.ie agus cuirfear tuilleadh logainmneacha, comhaid fuaime agus áiseanna idirghníomhacha leis an suíomh i gcaitheamh 2009-2010.

Tá an láithreán gréasáin á fhorbairt ag FIONTAR, aonad teagaisc agus taighde trí mheán na Gaeilge in Ollscoil Chathair Bhaile Átha Cliath, i bpáirt leis an mBrainse Logainmneacha sa Roinn Gnóthaí Pobail, Tuaithe agus Gaeltachta. Tá an taithí agus an saineolas teicniúil a chruinnigh Fiontar agus iad ag cruthú www.focal.ie, an suíomh iomráiteach téarmaíochta, curtha chun tairbhe www.logainm.ie agus tá súil acu go mbeidh an rath céanna ar an suíomh nua.

Déan teagmhail le Fiontar trí ríomhphost a chur ag fiontar@dcu.ie,  nó is féidir glaoch a chur orthu ag: 01 700 5614

Barr

Brúigh cnaipe uimhir a trí má tá tú ag iarraidh labhairt le duine le Gaeilge.....

Glacadh an chéad chéim eile i gcur i bhfeidhm Acht na dTeangaacha Oifigiúla an tseachtain seo caite nuair a shíningh an tAire Gnóthaí Pobail, Tuaithe agus Gaeltachta, Éamon Ó Cuív T.D.  rialacháin nua faoin Acht.

Mar thoradh ar na rialacháin beidh an Ghaeilge níos sofheicthe in oifigí Stáit, ar chomharthaíocht ag comhlachtaí poiblí, Ranna Stáit, údaráis áitiúla  agus fiú amháin nuair a chuirtear glaoch ar oifig stáit, beidh leagan Gaeilge ar fáil d’fhógairtí béil réamhthaifeadta. Ina theannta sin, beidh an rogha ag comhlachtaí Stáit an Ghaeilge nó an Ghaeilge agus an Béarla a úsáid i Staiseanóireacht oifigiúil.

Ní bheidh toradh na rialachán soiléir go ceann tamaill toisc go dtabharfar  tréimhse ama do na comhlachtaí  roinnt ullmhúcháin a dhéanamh roimh ré -  mar shampla tabharfar deis dóibh úsáid a bhaint as an stoic staiseanóireachta atá ina seilbh cheana féin, suas go dtí 1 Márta 2011, in ainneoin nach mbeadh siad ag teacht leis na Rialacháin.

Tá dhá bhunphrionsabal mar bhonn leis na Rialacháin.  Is é an chéad cheann ná go mbeidh rogha idir úsáid na Gaeilge, nó na Gaeilge agus an Bhéarla, ar chomharthaíocht agus ar stáiseanóireacht, le cinntiú go dtugtar tús áite mar is ceart don Ghaeilge mar an chéad teanga oifigiúil agus an teanga náisiúnta.

Is é an dara prionsabal ná go gcaithfear an téacs Gaeilge a bheith ar a laghad chomh feiceálach leis an téacs Béarla ar aon chomhartha, stáiseanóireacht srl. ina n-úsáidtear an dá theanga oifigiúla. 

Tá tuilleadh eolais maidir leis na rialacháin ar fáil anseo

Barr

Caoimhe Ní Mhuirithe WLRFM

Céard is ainm duitse agus cad as duit agus cé leis a bhfuil tú ag craoladh?

Caoimhe Ní Mhuirithe. Port Láirge. WLRFM. Cuirim clár Gaeilge dár teideal ‘Mar Dhea’ i láthair maidin Dé Domhnaigh ag a seacht a chlog ar maidin. Bíonn an bhéim curtha ar ch úrsaí Gaeltachta sa Déise.
 
2. Cé chomh fada is atá tú ag craoladh i nGaeilge?

Táim ag craoladh le WLRFM ó Mhí Mheán Fómhair, 2007 mar sin os cionn bliana..
 
3. Céard é an difríocht is mó, dar leat, idir craoladh i nGaeilge agus i mBéarla?
Tá sé a bhfad níos deacra daoine a fháil d'agallamh i nGaeilge.
 
4. Cé hé nó cé hí an t-aoi is mó a bhfuil fonn ort agallamh a chur air nó uirthi i nGaeilge?
Ba bhreá liom labhairt le Des Bishop ar an raidió.
 
5. Cé hé nó hí an t-aoi is fearr a bhí ar an gclár agat?
Thaitin an t-agallamh a ndearna mé le Francis ón comhlacht teilifíse TVM go mór liom
 
6. Céard é an clár raidió is fearr leatsa?
Is iad an dá chlár is mó a bhfuil suim agam iontu ná Morning Ireland agus  the Lyric Breakfast.
 
7. Céard é an spreagadh is mó duitse agus tú i mbun craolta?
Taitníonn an teagmháil a dheinim le daoine difriúla liom.

Barr

An spéis leat bheith ag craoladh cláir Ghaeilge ar Stáisiún Raidió Pobail?

Tá CRAOL ag eagrú cúrsa réamheolais ar chraoltóireacht ar raidió pobail i mBaile Átha Cliath san Fhómhar. Táthar ag súil go dtosóidh an cúrsa sa chéad seachtain de mhí na Samhna agus tabharfaidh an cúrsa an deis do rannpháirtithe scileanna sainiúla simplí don chraoltóireacht trí Ghaeilge a fhoghlaim. Ag deireadh an chúrsa tabharfar an deis dóibh siúd a ghlac páirt sa chúrsa  clár a dhéanamh ar cheann de na sé stáisiún raidió pobail atá lonnaithe i mBaile Átha Cliath. Tá Coimisiún Craolacháin na hÉireann ag déanamh urraíochta ar an gcúrsa agus is iad Liffey Sound atá á eagrú. Más spéis leat an cúrsa a dhéanamh déan teagmháil le ellen.mairin@gmail.com.

www.craol.ie

Barr

Doiléiriú na dteorainneacha idir na meáin: an dúshlán is mó atá ag bagairt rialachán

Dúradh ag Comhdháil CCÉ go bhfuil se ríthábhachtach go dtuigfeadh  Éireannaigh múchadh córas Analóg agus an t-athrú go córas digiteach.

Dúirt Cathaoirleach Choimisiún Craolacháin na hÉireann, an tUasal Conor Maguire gurb é doiléiriú na dteorainneacha idir na meáin an dúshlán is mó a bheadh ag bagairt rialachán sa todhchaí.

Ag labhairt dó ag an gComhdháil a d’eagraigh an CCÉ (BCI) i Meán Fómhair  dúirt an tUasal Maguire ‘Is léir go bhfuil doiléiriú ag teacht ar na teorainneacha idir na meáin de réir a chéile. Ciallaíonn sé sin go gcaithfidh an Coimisiún breathnú níos géire ar na himpleachtaí do rialacháin. Creidimse go gcaithfear an bhéim a leagan ar ábhar. Beidh teicneolaíocht ag athrú agus ag dul chun cinn i gcónaí, ach tá sé tábhachtach go mbeadh cur chuige oiriúnach againn atá in oiriúint do na prionsabail rialacháin: solúbthacht, comhsheasmhacht agus cothromaíocht.

[Ar Lean]

Barr

Comórtais Oireachtais Ar RTÉ Raidió Na Gaeltachta

Cúis áthais do RTÉ Raidió na Gaeltachta a dheimhniú go gcraolfar mórchomórtais amhránaíochta an Oireachtais le linn Oireachtas na Gaeilge i gCorcaigh.

Tháinig RTÉ Raidió na Gaeltachta ar shocrú craolacháin le hOireachtas na Gaeilge i ndiaidh cruinnithe i gCasla inniu (Dé Máirt).

Mar thoradh ar an socrú seo craolfar:

(1)         Corn Cuimhneacháin Sheáin Óig Uí Thuama
             (d’Amhránaithe faoi bhun 35 bliain d’aois)
(2)        Comórtas na bhFear & na mBan
(3)        Corn Uí Riada, príomhchomórtas amhránaíochta an Oireachtais

Síneofar conradh craolacháin leis an Oireachtas ina ndearbhófar go mbeidh beochraoladh na gcomórtas faoi cheannas eagarthóireachta RTÉ Raidió na Gaeltachta.

Is í foireann eagarthóireachta agus bainistíochta na seirbhíse a bheidh freagrach as léiriú agus láithriú na gcomórtas le linn dóibh a bheith ar an aer.

[Ar Lean]

Barr

15 Bliana ar an Aer - Lá Breithe Sona Duit, A Raidió na Life 106.4fm!

Déardaoin seo caite, 25 Meán Fómhair, rinneadh ceiliúradh agus comóradh i mBaile Átha Cliath ar chúigiú breithlá dhéag Raidió na Life 106.4fm, stáisiún pobail Gaeilge Bhaile Átha Cliath, agus an chéad stáisiún raidió pobail sainspéise sa tír a fuair ceadúnas le craoladh ó Choimisiún Craolacháin na hÉireann.

Craoladh sceideal speisialta de chláir ón gcartlann i rith an lae Déardaoin seo caite mar aon le clár "freangadh ama" (nó time warp) speisialta a chuir Traic Ó Braonáin, láithreoir an chláir Neamh, i láthair i rith an tráthnóna. I measc na gclár speisialta a craoladh ón gcartlann, bhí eagrán speisialta de Seó Joe, clár seachtainiúil a bhíodh á chur i láthair ag Joe Reddington ar RnaL, atá anois ar dhuine de cheannasaithe TG4, i rith na chéad bliana de shaol Raidió na Life agus an stáisiún ag craoladh ar mhinicíocht 102.2fm mar a bhí ag an am, leis an mana "Céad 'sa Dó, Beo", a gcuimhneodh mórán daoine air. San eagrán speisialta a craoladh, thug criú Raidió na Life faoi chraoladh seachtrach den chéad uair agus an clár á chraoladh beo ó bhád farantóireachta an Sea Links 2, bád úrnua ag an am a bhí ag taisteal ó Hollyhead na Breataine Bige go dtí Dún Laoghaire i rith an chláir. Thug Raidió na Life faoi chraoladh seachtrach speisialta eile arís i mbliana nuair a chraol siad dhá chlár speisialta beo ó fhéile na Picnice Aibhléisí nó an Electric Picnic i gCo. Laoise, nuair a chraoladar beo ón bPuball Gaelach ag an bhféile le dhá chlár speisialta á gcur i láthair ag Tristan Rosenstock.

[Ar Lean]

Barr