Gaelport - An Nuacht is Déanaí

Coimcheoil Phádraig na Taibhdheirce

Gaelport — 10/03/2010 15:25:00

Déanfar comóradh ar shaothar Mháirtín Ui Direáin ag Coirmcheoil Phádraig a bheidh ar siúl in St. Patrick’s Band Hall, Fairgreen i gCathair na Gaillimhe ar an 14 Márta 2010 ag 8 pm.. Ar an oíche beidh an t-aisteoir Séamus Ó hAodha ag léamh a rogha dánta leis an Direánach.

Athbhreithniú ar Chaighdeán Oifigiúil na Gaeilge beartaithe

Gaelport — 10/03/2010 12:11:00

Tá fógartha ag an tAire Gnóthaí Pobail, Tuaithe agus Gaeltachta Éamon Ó Cuív TD, inniu go bhfuil athbhreithniú ar Chaighdeán Oifigiúil na Gaeilge le déanamh ag an Lár-Aonad Aistriúcháin ina Roinn. Foilsíodh an Caighdeán Oifigiúil don chéad uair i 1958 agus tá sé á fhoilsiú ó am go chéile ó shin.

Drámaíocht úrnua ar TG4

Gaelport — 09/03/2010 15:10:00

Aréir, cuireadh tús le séasúr úr drámaíocht teilifíse ar TG4 nuair a craoladh an chéad dráma faoin scéim forbartha drámaíochta teilifíse i nGaeilge ‘Síol’. Coimisiúnaigh an stáisiún sé dhráma úrnua faoin scéim seo, a bhíonn á gcómhaoiniú ag TG4 i gcomhpháirt le hÚdarás na Gaeltachta agus Údarás Craolacháin na hÉireann.

Patricia Ní Chonghaile ceaptha mar Chomhordaitheoir Táirgeachta

Gaelport — 09/03/2010 15:00:00

Le déanaí ceapadh Patricia Ní Chonghaile ina Comhordaitheoir Táirgeachta ar an nuachtán Gaeilge Náisiúnta Gaelscéal. Is as Na Doireadha, Baile na hAbhann í Patricia Ní Chonghaile.

Cúrsaí pleanála teanga pléite ag an Ollamh Colin Williams le linn Thóstal na Gaeilge 2010

Gaelport — 09/03/2010 14:52:00

Bhí an tOllamh Colin Williams ina aoichainteoir ag Tóstal na Gaeilge 2010. Is saineolaí é ar réimse taighde amhail ‘Polasaí Teanga & Pleanáil Teanga, Cearta Grúpa & Saoránach Daonlathais, Caidreamh Eitnigh & Mionlaigh chomh maith le Geografaíocht dhaonna & Saincheisteanna comhshaoil.

Agus Rud Eile de-Comórtas!

Gaelport — 09/03/2010 14:33:00

Seolfar cnuasach nua dátheangach le Louis de Paor, Agus Rud Eile de an tseachtain seo agus beidh an file ag dul ar chamcuairt timpeall na tíre leis an gceoltóir Rónan Browne a bhí ag comhoibriú leis ar an gcnuasach. Táimid fíorbhuíoch den fhoilsitheoir, Cló Iar-Chonnachta a thug dhá chóip dúinn le bronnadh sa chomórtas seachtainiúil ar Gaelport.com. Más mian leat cóip a bhuachan tá an t-eolas go léir ar fáil ar an gcéad leathanach eile.

MA sa Ghaeilge Fheidhmeach

Gaelport — 09/03/2010 14:17:00

Tá fógartha ag Institiúid Teicneolaíochta Bhaile Átha Cliath go bhfuiltear ag glacadh le hiarratais i láthair na huaire don MA sa Ghaeilge Fheidhmeach a thosóidh ag tús mhí Feabhra 2011. Bronnadh céimeanna máistreachta ar an gcéad ghrúpa mac léinn ar an gclár MA sa Ghaeilge Fheidhmeach le déanaí.

Cabaret Craiceáilte i mBaile Átha Cliath

Gaelport — 09/03/2010 13:52:00

Mar is eol do chách, tá seachtain na Gaeilge faoi lán seoil anois. Agus beidh cainteoirí Gaeilge ag súil go mór leis an gCabaret Craiceáilte a bhí mar cheann de buaicphointí na féile sa chathair anuraidh.

Buntáiste Breise na Gaeilge i mBóthar na Trá

Gaelport — 09/03/2010 13:06:00

Bhailigh os cionn ceithre chéad scoláire ó na ranganna sinsearach sna hiar-bhunscoileanna i gContae na Gaillimhe agus Maigh Eo le chéile ag seimineár ‘Buntáiste Breise na Gaeilge’ in Óstán Bhóthar na Trá i nGaillimh le linn Thóstal na Gaeilge 2010 seachtain ó shin i nGaillimh.

Comhdháil Bhliantúil Chomhairle na Gaelscolaíochta

Gaelport — 09/03/2010 12:31:00

D’oscail an tAire Oideachais, Caitríona Ruane, Comhdháil Bhliantúil Chomhairle na Gaelscolaíochta a bhí ar siúl i gColáiste Feirste, Béal Feirste Dé hAoine seo caite go hoifigiúil agus chuir sí in iúl don slua a bhí i láthair go raibh i gceist aici athbhreithniú ar an nGaelscolaíocht a chur ar bun go luath ina mbeadh an bhéim ar an gcomhionannas.

Súil ar an Dlí

Gaelport — 09/03/2010 12:03:00

Sheol an Coimisinéir Teanga Seán Ó Cuirreán an chéad eagrán de shraith fhoilseacháin a dhéanfaidh athbhreithniú faoin staid reatha ina bhfuil an Ghaeilge i gcúrsaí dlí aréir in Oifig an Choimisiúin Eorpaigh in Éirinn i mBaile Átha Cliath.

Údarás na Gaeilge chun a léargas a thabhairt ar Straitéis Fiche Bliain an Rialtais

Gaelport — 09/03/2010 11:52:00

Ag deireadh mhí na Samhna, foilsíodh an Straitéis Fiche Bliain don Ghaeilge i bhfoirm dréachta, agus ó shin i leith tá an dréachtstraitéis chéanna faoi chaibidil ag an gComhchoiste Dála um Ghnóthaí Ealaíon, Spóirt, Turasóireachta, Pobail, Tuaithe agus Gaeltachta.

Cré na Cille: 60 bliain ós cionn talún

Gaelport — 08/03/2010 15:50:00

Déanfar léamh nua as an bpíosa ar Cré na Cille ar RTÉ Raidió na Gaeltachta Dé Céadaoin 10 Márta, trí scór bliain go díreach i ndiaidh fhoilsiú an tsaothair is cáiliúla de chuid Mháirtín Uí Chadhain.

Tacaíocht do RITH 2010 léirithe ag an Uachtarán

Gaelport — 08/03/2010 13:27:00

Inniu in Áras an Uachtaráin, bhronn An tUachtarán Máire Mhic Ghiolla Íosa teachtaireacht dóchais don Ghaeilge ar Rith 2010 - teachtaireacht a bheidh taobh istigh de bhata sealaíochta a bheidh á n-iompar ag na rannpháirtithe le linn Rith 2010. Tosóidh Rith 2010 ar an 9 Márta i mBéal Feirste agus críochnóidh sé ar Lá Fhéile Pádraig i nGaillimh, mar cheann de phríomhimeachtaí Sheachtain na Gaeilge.

‘An Caifé Liteartha’ ar Raidió na Life

Gaelport — 08/03/2010 10:01:00

Beidh scoth na filíochta agus an cheoil ó leithinis Chorca Dhuibhne le cloisteáil ar shraith nua ar Raidió na Life 106.4FM le linn Seachtain na Gaeilge. Ar na filí a bheidh le cloisteáil ar an gclár beidh Domhnall Mac Sithigh, Bríd Ní Mhóráin, Maria Ní Mhurchú, Simon Ó Faoláin, Dairéna Ní Chinnéide, Micheál Ó Fionnán, An Mons Pádraig Ó Fiannachta, Pádraig Mac Fhearghusa, Ceaití Ní Bheildiún agus Maidhc Dainín Ó Sé.

Straitéis Fiche Bliain an Rialtais á phlé sa Ghaeltacht

Gaelport — 08/03/2010 9:58:00

Feicfear thíos liosta de na heagraíochtaí Gaeltachta, a fuair cuireadh chun cur i láthair a dhéanamh os comhair an Chomhchoiste Dála um Ghnóthaí Ealaíon, Spórt, Turasóireachta, Pobail, Tuaithe agus Gaeltachta in Ionad Tacaíochta Teaghlaigh i gCois Fharraige, Conamara, Co. na Gaillimhe ar an 26 Feabhra 2010.

Acht na dTeangacha Oifigiúla 2003 - Iarratas ar Aighneachtaí

Gaelport — 04/03/2010 18:07:00

Tá sé i gceist ag an Roinn Oideachais agus Eolaíochta scéim teanga Gaeilge nua a dhréachtadh de réir alt 15 d’Acht na dTeangacha Oifigiúla 2003.

Dancing in streets as stars put in word for cupla focal

Gaelport — 04/03/2010 11:11:00

TV presenter Aoibhinn Ni Shuilleabhain credits the Seoige sisters as being among those who have made the Irish language 'sexy' -- but declines to include herself on the list.